IKASTURTEAREN BALORAZIOA
Ikasturte amaierara iritsita, egindako ibilbidearen hausnarketa egitea dagokigu orain. Gure blog-ari hasiera eman genion Ikasgaiaren Nondik Norakoak idazkia birrartuz, gure espektatibak bete diren ala ez baloratu behar dugu.
Oro har, arte munduarekiko ikuspegia aldatu zaigulakoan gaude. Izan ere, artea arrotza eta eskuraezina dela pentsatzetik, gugana hurbildu eta bakoitzak bere erara ulertzeko eta interpretatzeko modua dela pentsatzera igaro gara. Halaber, sormena eta originaltasuna guztiok gara ditzakegun trebetasunak direla baiezta dezakegu, baina era berean, hauek gure barnetik esnatu, zirikatu eta erabiltzea ezinbestekoa da. Honetarako irakasleok eta, oro har, eskolak tresna ezin hobeak gara hau guztia lantzeko motibazioa sortze aldera.
Plastikak haurraren garapen kognitibo, psikologiko eta sozialean eragin esanguratsua izan dezan, betiko eredu itxiak baztertu eta aukera anitzei nahiz proiektu irekiei tokia eskeini behar litzaieke; hauxe da, hain zuzen, gure teknografian islatu nahi izan dugun ideia eta egiten dugun proposamena.
Bestalde, etengabe haurraren sormenaz eta gaitasunez hitz egiten dugun arren, irakasleok ekimena izan behar dugu gure sormenari ateak irekitzeko. Ildo honetan, ikasturtean zehar hainbat ekarpen eta ekoizpen egin ditugu, guztiak maila desberdinekoak; izan artikuluei buruzko iritziak, Laboaren zenbait abestiren arte-adierazpena, teknografia bera edo arteak orokorrean iradoki dizkigun hausnarketa-prozesuak.
Azkenik, talde-lanean arituz eta etengabeko burutazioei erantzunak bilatzeko dedikazio handia eskaini behar izan diogu ikasgaiari. Honek, maila pertsonalean eta etorkizuneko lanari begira, hiruroi ekarpen aberasgarria egin digu.
Besterik gabe eta hemen hasitakoa hemen bukatzen ez dela aintzat hartuz, ondo segi eta muxu handi bat!
2010/05/28
2010/05/25
MIKEL LABOA PROIEKTUA
Mikel Laboaz zer esan, bere handitasunean hitzak txiki geratzen dira eta. Gure kulturaren zati handi eta esanguratsua, sua itzal ez zedin behar izan zen hauspoa.
Mikel Laboaren proiektuan gure artista-senaz baliatuko gara; buruan eduki ditugun ideiak islatu nahi ditugu. Mikel Laboak eta, oro har, “ez dok amairu” taldeak eginiko ibilbideak sentimendu eta hitz ugari ekartzen dizkigute gogora. Sentimenduak hitzak baino gehiago dira beharbada eta hauei adierazpen bat ematea askotan ez da erreza izaten. Hau transmititzea da gure helburua eta horretarako, eskultura bat egitea otu zaigu. Gure eskultura egiteko hain lagun handia eta bizitzako bidailagun izan zuen Oteizaren lanak hartu ditugu oinarritzat. Mikel Laboak emandakoa eta Oteizak utzitakoa uztartzen saiatuko gara gure lanean (ikus HUTSUNE BETEA).
Izan direlako gara, garelako izango dira.
TEKNOGRAFIA
Batzuetan urrun ikusten genuen eguna bazen ere, azkenean iritsi da teknografia bukatutzat eman dugun eguna! Eta oso pozik gaude , bai horixe!
Teknografia egitea lan polita izan da, baina aitortu behar dugu, bidean oztopo dexente gainditu behar izan ditugula. Nahiko hasieratik arazoak izan genituen Moviemaker programarekin eta hauek konpontzea ez da lan erraza izan. Gure ideia eta mezua teknografian txertatzeko nahia eta ilusioak ostera, oztopo tekniko hauek gainditzeko pazientzia eta gogoa eman digute.
Gorabehera askoko prozesua izan da beraz, baina, azkenean emaitza bikaina lortu dugu! Merezi izan du egindako lanak, pasatako orduek, bideoa ikusten dugunean, nahi genuen hori islatzen baita.
Hausnarketara bultzatzen gaituen ibilbide honetan, proposatutako etorkizuna marraztea egokitzen zaigu. Ea guztion gogoarekin eta konpromezuarekin lortzen dugun.
Bideoan azaltzen den legez, aldaketa norberaren esku dagoelako... EKIN!
Gustatuko zaizuelakoan,
Izan ongi!
Teknografia egitea lan polita izan da, baina aitortu behar dugu, bidean oztopo dexente gainditu behar izan ditugula. Nahiko hasieratik arazoak izan genituen Moviemaker programarekin eta hauek konpontzea ez da lan erraza izan. Gure ideia eta mezua teknografian txertatzeko nahia eta ilusioak ostera, oztopo tekniko hauek gainditzeko pazientzia eta gogoa eman digute.
Gorabehera askoko prozesua izan da beraz, baina, azkenean emaitza bikaina lortu dugu! Merezi izan du egindako lanak, pasatako orduek, bideoa ikusten dugunean, nahi genuen hori islatzen baita.
Hausnarketara bultzatzen gaituen ibilbide honetan, proposatutako etorkizuna marraztea egokitzen zaigu. Ea guztion gogoarekin eta konpromezuarekin lortzen dugun.
Bideoan azaltzen den legez, aldaketa norberaren esku dagoelako... EKIN!
Gustatuko zaizuelakoan,
Izan ongi!
2010/05/07
BIDEOAREN NONDIK NORAKOAK II
Taldekideon artean pentsatu, eztabaidatu, partekatu eta adostu ondoren teknografian azaldu beharreko ideia eta mezua zein izango zen argi geratu zitzaigun. Hala, kontatu nahi genuen hori nola kontatu genezakeen pentsatzeari ekin genion. Norberak buruan duen hori nahi eta behar bezala komunikatzea maiz ez da lan erraza izaten, ordea, eta buruan genuen hori, bideoan islatu behar genuen.
Narrazio linealak nondik gatoz, non gaude eta nora goazen logikari jarraitzen badio ere, gure teknografia non gaude galderarekin hasiko genuela erabaki genuen, azken batean, non gauden galderari erantzuteko ezinbestekoa baitzaigu nondik gatozen galderaren inguruan pentsatzea. Guk txikitan egindako artelanak izango ziren iraganaren ispilu; egindakoa erakutsiz, bizitutakora hurbilduko ginateke neurri batean. Txikitako artelanak bildu eta klasera ekarri genituen, hauei argazkiak ateratzeko asmoz. Hala ere, ez dakigu oraindik nola, baina poltsa batean gorde genituen beste lan batzuekin batera eta ez ditugu aurkitu! Horrela, nondik gatoz atala beste lan batzuen argazkiekin osatu dugu. Gureak ez badira ere, guk egindakoen antzekoak direnez, baliagarriak iruditu zitzaizkigun.
Bideoan ikusten den legez, espazioa ezagutuz eta taldekideon begiradak gurutzatuz oroitzapenetan murgilduko gara. Gero, iraganetik orainera egingo dugu salto eta errealitate kolore bakar eta karratua ikusiko dugu. Saltzen diguten errealitatea bakarra eta iraunkorra bailitzan. Errealitatearen eraikuntza itxi eta hotz hau desegiten hasiko gara gure errealitate berria eraiki ahal izateko; gure bizipenekin osatutakoa eta gure nahiekin eta beharrekin indartutakoa. Artea egiteko, sentitzeko, bizitzeko beste moduak badirela aldarrikatzen dugu; beste mundu bat posiblea dela, alegia. Metafora hau Lego eraikuntza batzuen bitartez irudikatu dugu.
Errealitate berri hori, ordea, ez dugu aukera bakarrarekin erlazionatu nahi; horregatik, ate ezberdinak aurkeztuko ditugu eta hauen atzean bide ezberdinak. Dagoena zalantzan jartzea eta honen inguruan hausnartzea proposatzen dugu, abiapuntua hau izanik, ondoren guk nahi dugun bidea eraiki dezagun.
Argazkiak, bideoak, marrazkiak, musika… material guztia prest geneukan gure bideoa egin ahal izateko. Gelan, kalean, etxean egin genuen lan eta guztia muntatzea besterik ez zitzaigun falta. “Besterik” esateko modua bat da eta kasu honetan, ez oso egokia. Izan ere, bideoaren muntaian eduki ditugun arazoak ez dira gutxi izan. Argazki eta bideoen formatua lehenik, Movie Makerra gero,… Oraindik horrekin gabiltza eta gogo eta pazientziarekin lan txukuna geratzea espero dugu, egindakoak bere emaitzak izan ditzan, teknografia egindako lanaren erakusgarri izan dadin.
Narrazio linealak nondik gatoz, non gaude eta nora goazen logikari jarraitzen badio ere, gure teknografia non gaude galderarekin hasiko genuela erabaki genuen, azken batean, non gauden galderari erantzuteko ezinbestekoa baitzaigu nondik gatozen galderaren inguruan pentsatzea. Guk txikitan egindako artelanak izango ziren iraganaren ispilu; egindakoa erakutsiz, bizitutakora hurbilduko ginateke neurri batean. Txikitako artelanak bildu eta klasera ekarri genituen, hauei argazkiak ateratzeko asmoz. Hala ere, ez dakigu oraindik nola, baina poltsa batean gorde genituen beste lan batzuekin batera eta ez ditugu aurkitu! Horrela, nondik gatoz atala beste lan batzuen argazkiekin osatu dugu. Gureak ez badira ere, guk egindakoen antzekoak direnez, baliagarriak iruditu zitzaizkigun.
Bideoan ikusten den legez, espazioa ezagutuz eta taldekideon begiradak gurutzatuz oroitzapenetan murgilduko gara. Gero, iraganetik orainera egingo dugu salto eta errealitate kolore bakar eta karratua ikusiko dugu. Saltzen diguten errealitatea bakarra eta iraunkorra bailitzan. Errealitatearen eraikuntza itxi eta hotz hau desegiten hasiko gara gure errealitate berria eraiki ahal izateko; gure bizipenekin osatutakoa eta gure nahiekin eta beharrekin indartutakoa. Artea egiteko, sentitzeko, bizitzeko beste moduak badirela aldarrikatzen dugu; beste mundu bat posiblea dela, alegia. Metafora hau Lego eraikuntza batzuen bitartez irudikatu dugu.
Errealitate berri hori, ordea, ez dugu aukera bakarrarekin erlazionatu nahi; horregatik, ate ezberdinak aurkeztuko ditugu eta hauen atzean bide ezberdinak. Dagoena zalantzan jartzea eta honen inguruan hausnartzea proposatzen dugu, abiapuntua hau izanik, ondoren guk nahi dugun bidea eraiki dezagun.
Argazkiak, bideoak, marrazkiak, musika… material guztia prest geneukan gure bideoa egin ahal izateko. Gelan, kalean, etxean egin genuen lan eta guztia muntatzea besterik ez zitzaigun falta. “Besterik” esateko modua bat da eta kasu honetan, ez oso egokia. Izan ere, bideoaren muntaian eduki ditugun arazoak ez dira gutxi izan. Argazki eta bideoen formatua lehenik, Movie Makerra gero,… Oraindik horrekin gabiltza eta gogo eta pazientziarekin lan txukuna geratzea espero dugu, egindakoak bere emaitzak izan ditzan, teknografia egindako lanaren erakusgarri izan dadin.
2010/05/04
Hona, Bartzelonako Arte Ederretako ikasleekin egindako bigarren bideokonferentziarako prestatu genuena, jarritako galderei erantzuna emanez:
¿Qué podemos aportar los estudiantes de magisterio a los de Bellas Artes?
Magisteritzako ikasleek arte ederretako ikasleei hainbat ekarpen egin diezazkiekegula uste dugu. Hezkuntzaren inguruan dituzten ideiak zabaltzea edo aldatzea (metodologia, haur eta irakasleen funtzio eta harremanak,…) Azken batean, dituzten ideiak jendartean nagusi den ereduaren isla izan ohi baitira. Honekin, irakasleak duen papera eta hezkuntzak gugan duen garrantziaz jabetzea lortuko dugu.Haurrekin lan egiten dugun heinean, haurren mundu ikuskerara gerturatu ditzakegu,helduon ikuskera bakarra eta eztabaidaezina ez dela ohartaraziz.
¿Qué es lo que podemos aportar los estudiantes de bellas artes a los de magisterio ?
Arte mundura hurbiltzeko pertsona aproposak izan daitezke. Orain arte jaso ez dugun hurbilpen eta ikuskera eman diezagukete, artearekiko ar los estudiantes de bellas artesa los de magisterio ?sentsibilizazioa eta harreman estuagoa lortze aldera.
¿Qué podemos aportar los estudiantes de magisterio a los de Bellas Artes?
Magisteritzako ikasleek arte ederretako ikasleei hainbat ekarpen egin diezazkiekegula uste dugu. Hezkuntzaren inguruan dituzten ideiak zabaltzea edo aldatzea (metodologia, haur eta irakasleen funtzio eta harremanak,…) Azken batean, dituzten ideiak jendartean nagusi den ereduaren isla izan ohi baitira. Honekin, irakasleak duen papera eta hezkuntzak gugan duen garrantziaz jabetzea lortuko dugu.Haurrekin lan egiten dugun heinean, haurren mundu ikuskerara gerturatu ditzakegu,helduon ikuskera bakarra eta eztabaidaezina ez dela ohartaraziz.
¿Qué es lo que podemos aportar los estudiantes de bellas artes a los de magisterio ?
Arte mundura hurbiltzeko pertsona aproposak izan daitezke. Orain arte jaso ez dugun hurbilpen eta ikuskera eman diezagukete, artearekiko ar los estudiantes de bellas artesa los de magisterio ?sentsibilizazioa eta harreman estuagoa lortze aldera.
2010/04/20
Subscriure's a:
Missatges (Atom)
